MARCIA DEI MONTESEI Serso (Pergine) del 30/04/2006

El Kepo, coridor che fa gare? Eh... dopo na giornada de canter en quel de Trembelem, vist che no ero riusi' a organizzarme per na scialpinistica, no g'ho zerto voia de serarme en casa la domenega, e cosi' quando el Matteo el me propone la gara de corsa (e no l'e' en piam).... tanto gare de scialpinismo ne ho za fate, en po' de allenamento el g'avro bem: gh'e' da nar! Ale 9 e 20, ne trovem cosi' a Perzem e dopo dese minuti ala partenza de la gara col Giordano: dopo eserne iscritti se se taca a riscaldar. Dopo averghe pensa' su en bel pez, corendo, corendo, me son deciso: la gara la faro' a ritmo de musica: me som cosi' caccia' el lettor MP3 en tel marsupio con na bela scorta de canzon pestae (Green Day, Offspring...) e... (e chi forse o fat na cazada, vist tut quel che la m'ha fat sudar) me som caccia' su na fasetta per tegnir le cuffie en la corsa (senno' le perdo per strada)! De giri de gara ghe n'e' doi, uno cort (fat dale famigliole) e uno lonc 8,5 Km, che farem noi: el parte co na pontera da foc da brusar subit le gambe, quindi dopo do saliscendi, se va zo en val a far qualche bel chilometro ai capannoni dela zona industriale e per finir, ultim ponterom che riporta all'arrivo. Ore 10: partiti! Taco subit a pasar zent: e i 150 metri de dislivel de salita me i magno... no me pasa nessuni: el problema l'ariva quando la spiana e se va en zo: no g'ho miga i sci soto i pei...e qi i e' parecchi che me da zo l'orz: zo per la piana po' en bocia che feva la gara corta el me diss che tanto so papa' l'e' za su al traguardo! Me vem mal a veder quant che manca ancora! Ma gh'e' da nar! e cosi' pasa' el ponterom finale eccome al traguardo! Me trovo za' li' el Matteo co la birra en man: sa g'hai el turbo?! En pratica, ala fin, el Giordano l'e' ariva' decimo con 38 minuti, el Matteo undicesimo con 39 e mi ventesimo con 46 minuti: pero'... gh'e' anca da dir che erem en 60 a far la competiziom longa, e mi ero ala me prima corsa, quindi som pu' che content: en po' de men i me polpacci che i e' drio a mpienirse de acido lattico. E cosi' dopo en veloce aperitivo en Pine', me envio a ca' per disnar
... de sport per ancoi n'ho fat assa' e cosi' sentu' el Mattia che el vegniva zo da Trent per far na sgasada co la so nova Harley, ho tira' for el me vecio Transalp e... che giro! Dopo la solita tappa en Parrocchia al bar delle miss Italia, sem nai su al Pian dele Fugazze, zo a Schio, Thiene e quindi tornai en Trentim per Tonezza, passo Coe... Gh'e' su ancora tanta de quela nef che basta la meta': che mbrunada! E no e' basta' el bombardin e el brule' che avem tolt for per el viaz a scaldarne fora: som resta' ngremeni' tuta la sera!





La mappa della gara..quela rossa l'e' ovviamente quela longa che avem fat... peca' sol che no se capissa el dislivel!
E a fine gara el Giordano e l Matteo i fa streching... mi da mona enveze, l'acido lattico mel som tegnu' tut en tei polpacci... e l sento ancora a 2 di' de distanza!
Eh... al pomeriggio le moto le torna a rombar! Qi en Norei el Kepo e l Mattia... co la solita scusa dela foto i se fa far na foto en Norei da na bela putela de passaggio


Ste pagine l'e' stae cargade volte da visitatori dal 3 de agost 2005